भट करिताती द्रव्य लूट
महात्मा फुले यांचे अखंड
प्राणीमात्रा सोई सुख करण्यास । निर्मी पर्जन्यास । नद्यांसह ।।१।।
त्यांचे सर्व पाणी वेगाने वाहती । आर्ये कुरापती । तीर्थे केली ।।२।।
दाढी डोई वेण्या मुढ भादरिती । भट करिताती । द्रव्य लूट ।।३।।
आर्यांनी कल्पिली थोतांडे ही सारी । दगे सर्वोपरी । जोती म्हणे ।।४।।
भावार्थ :
सर्व प्राणिमात्रांस सुखी करण्याच्या उद्देशाने इश्वराने पाऊस आणि नद्यांची निर्मिती केली आहे. नद्यांचे पाणी वेगाने वाहत असते. त्यात आर्यांनी म्हणजेच ब्राह्मणांनी कुरापती काढून (नदीकाठांवर) तीर्थे निर्माण केली. या तीर्थांवर मुर्ख लोक दाढ्या, डोकी, वेण्या भादरतात आणि त्याच्या माध्यमातून भट ब्राह्मण पैशांनी लुबाडणूक करतात. आर्यांनी म्हणजेच ब्राह्मणांनी ही सर्व थोतांडे निर्माण केली आहेत. ही सर्व धोकेबाजी आहे, से जोती म्हणतात.
कठीण शब्दांचे अर्थ :
पर्जन्य : पाऊस.
डोई : डोके
मुढ : मुर्ख
भारदरणे : केस कापणे
दगे : दगा या शब्दाचे अनेक वचन. दगा म्हणजे धोका.
कोणत्याही टिप्पण्या नाहीत:
टिप्पणी पोस्ट करा