सर्वांचा निर्मिक आहे एक धनी
महात्मा फुले यांचे अखंड
सर्वांचा निर्मिक आहे एक धनी । त्यांचे भय मनी । धरा सर्व ।।१।।
न्यायाने वस्तूंचा उपभोग घ्यावा । आंनद करावा । भांडू नये ।।२।।
धर्मराज्य भेद मानवा नसावे । सत्याने वर्तावे । इशासाठी ।।३।।
सर्व सुखी व्हावे भिक्षा मी मागतो । आर्यांस सांगतो । जोती म्हणे ।।४।।
भावार्थ :
सर्वांचा निर्माण करता मालक एकच आहे. त्याचे भय सर्वांनी मनात धरावे. न्यायाने वस्तूंचा उपभोग घ्यावा. आनंदाने राहावे. भांडण करू नये. धर्माच्या नावाखाली माणसांत भेदभाव नसावा. इश्वरासाठी सत्याने वर्तन करावे. सर्वांनी सुखी व्हावे यासाठी मी भिक्षा मागतो. हा सर्व उपदेश आर्यांसाठी म्हणजेच ब्राह्मणांसाठी आहे, असे जोती म्हणतात.
कठीण शब्दांचे अर्थ :
धनी : मालक
इश : इश्वर
आर्य : ब्राह्मण
कोणत्याही टिप्पण्या नाहीत:
टिप्पणी पोस्ट करा